மெல் அடிச்சபின் அரசியலுக்கு வந்துட்டேங்குறாங்க…அரசு வேலையிங்கிறாங்க…!

DOG5ITRVAAAyF3s_20182

நம்பர் 1 அக்குஸ்ட் படத்துடன் நம்பர் 2வின் விட்டிற்கு ரெய்டு போவது, சுக்ராம், முகுல்ராய் வகைராக்களை சேர்த்துகொண்டு கேதன் தேசாய்,ராம்மோகன் ராவ்வுக்கு பதவி கொடுப்பது என ஆரம்பித்து அனிதா, இசக்குமுத்து கொலைகள் வரை பார்த்து இன்று மொத்த சமூகமும் எவன் வந்தாலும் இந்த தேர்தல் அரசியலில் ஒன்றும் நடக்க போவதில்லை என்ற முடிவுக்கு வந்துட்டாங்க…. மொத்த நீதித்துறையும், நிர்வாகத்துறையும் , அரசியல்கட்சிகளும் அம்மணமாகி நிற்கும் போது ஒருத்தர் தமிழ்நாட்டை மட்டும் டென்மார்க் ஆக்குவேன், ஆடு மேய்ப்பதை அரசு வேலையாக்குவேன் என சொல்றார்… அவர் குறித்து நாமும் பல பதிவுகளை எழுதிவிட்டோம். அடுத்து ரஜினி, கமல் போன்ற பாஜக – இந்துத்துவத்தை இத்தனை நாளாக ஆதரித்துவிட்டு இன்று தீடிரென கட்சி – அரசியல் என பேசுகின்றனர்.

பிரச்சனை வேற சார்… கொஞ்சம் ஒதுங்கி நில்லுங்க… படம் கடைசி சட்டைக்காட்சி வந்துடுச்சு எண்டு கார்டு போடப்போற நேரத்தில… சும்மா காமெடி பண்ணாதிங்க…

downloadimages (1)

bjp fraud.jpg

டென்மார்க் சீமான் குறித்த பதிவு மற்றும் மோடியின் பணமதிப்பிழப்பு பெருமிதங்களை அம்பலப்படுத்தும் பதிவு கீழே உள்ளது. படித்துவிட்டு மேலே மீண்டும் படிக்கவும்…

சீமான் குறித்து splco தளத்தில் வந்த பதிவில் இருந்து:

சீமானும் தமிழ்நாடும்: 

சரி இப்போது தமிழ்நாட்டு அரசியலுக்கு வருவோம். சீமான் தமிழ்நாட்டில் இயற்கை வளங்கள் சுரண்டப்படுவதாக கொந்தளிக்கிறார். ஆனால் அதை செய்யக்கூடிய மணற்கொள்ளையன் வைகுண்டராஜனும், கிராணைட் கொள்ளையன் பி.ஆர்.பியும் சீமானுக்கு நெருக்கமானவர்கள் என்று அவரின் தம்பிகள் எத்தனை பேருக்கு தெரியும்? சீமானுக்கு திருமணம் முடிந்த உடன் வைகுண்டராஜன் தான் தடபுடலாக கறி விருந்து கொடுத்தார். பதிலுக்கு வைகுண்டராஜன் மகன் திருமணத்தை சீமான் தான் முன்னின்று நடத்தி வைத்தார். சீமான் வைகுண்டராஜனின் பினாமி என்று கூறப்படும் குற்றச்சாட்டை இது உறுதிபடுத்துவது போல் உள்ளது. பி.ஆர்.பியில் தொழிலாளர் பிரச்சனை வந்த போது பி.ஆர்.பிக்கு ஆதரவாக “பி.ஆர்.பியிடம் வாங்கித் தின்றுவிட்டு அவரையே குற்றவாளியாக்குவது நியாயமா?” என்று பேசியதும் சீமான் தான். இவர்தான் ஆட்சிக்கு வந்து இயற்கை வளங்களை காக்க வைகுண்டராஜனையும், பி.ஆர்,பியையும் கைது செய்ய போவதாக கூறுகிறார். அடுத்து கல்வியை அரசுடைமை ஆக்கப்போவதாக சீமான் கூறுகிறார். ஆனால் தமிழ்நாட்டிலேயே மிகப் பெரிய கல்வி கொள்ளையனான சிறை சென்ற பாரிவேந்தர் பச்சமுத்து தான் 2016 தேர்தலுக்கு நாம் தமிழர் கட்சிக்கு 50 லட்சம் ருபாய் நன்கொடை கொடுத்துள்ளார். பச்சமுத்துவிடம் பணம் வாங்கி கொண்டே அவருக்கு எதிராக எப்படி நடவடிக்கை எடுப்பார்? வைகுண்டராஜன் சீமானுக்கு விருந்து வைத்ததை கம்யுனிஸ்டுகளின் இணையதளமாகியவினவில் கடுமையாக விமர்சித்தார்கள்.

சீமானும் விவசாயமும்: 

விவசாயத்தை காப்பாற்ற போவதாக சீமான் மேடைகளில் உணர்ச்சி வசப்பட்டு முழங்குகிறார். ஆனால் விவசாய நிலங்களை பிளாட்களாக மாற்ற நீதிமன்றம் தடை விதித்தது. இந்த தடைக்கு எதிராக 19.10.2016 அன்று சென்னை எலும்பூரில் ரியல் எஸ்டேட் தரகர்களுடன் இணைந்து போராட்டம் நடத்தினார் சீமான். இந்த போராட்டத்தை தலைமேயேற்று நடத்தியர் “இந்தியதேசிய ரியல் எஸ்டேட் பில்டர்ஸ், லேண்ட் டெவலப்பர்ஸ்” சங்க தலைவரான விருகை வி.என்.கண்ணன். சீமான் ஏன் இந்த போராட்டத்தில் கலந்து கொண்டுள்ளார் என்றால்,”ரியல் எஸ்டேட் தரகர்கள் தான் கட்சிக்கு நிதி கொடுப்பார்கள், விவசாயிகள் பெரிதாக நிதி கொடுக்க மாட்டார்கள்”. இப்போது இயற்கை விவசாயம் பற்றி பேசும் சீமான் ஒருவேளை ஆட்சிக்கு வந்தால் வெளிநாட்டு உர கம்பெனிகளிடம் காசு வாங்கி கொண்டு அவர்களுக்கு சாதகமாக நடக்க மாட்டாரா? ஏனெனில் அவர்கள் ரியல் எஸ்டேட் அதிபர்களை விட பல நூறு மடங்கு அதிகமாக உர கம்பெனிகள் பணம் தருவார்கள். சீமான் ரியல் எஸ்டேட் தரகர்களுடன் இணைந்து போரட்டம் நடத்தியதற்கான ஆதாரம்(இது சீமானின் பேஸ்புக் பக்கத்திலிருந்து எடுக்கப்பட்டது)

 

குரூரமான பெருமிதங்கள்!
                                                                                                                                                                                சுரன். http://suransukumaran.blogspot.in/2017/11/blog-post_9.html                

வழக்கம் போலவே ஆர்.எஸ்.எஸ். -பாஜக பரிவாரத்தின் ‘சாதனைகள்’ என்று போலியான சிலவற்றை பட்டியலிட்டு, நவம்பர் 8அன்று பல பத்திரிகைகளில் முழுப்பக்கம் விளம்பரங்களை கொடுத்திருந்தது மோடி தலைமையிலான பாஜக அரசு. 
பணமதிப்பு நீக்க துயரங்களை முன்வைத்து நாடுமுழுவதும் மார்க்சிஸ்ட் கம்யூனிஸ்ட் கட்சி உள்ளிட்ட இடதுசாரிக் கட்சிகளும், திமுக. காங்கிரஸ், விசிக உள்ளிட்டகட்சிகளும் அமைப்புகளும் நவம்பர் 8 கறுப்பு நாளாககடைபிடித்தனர். 
போராடினர். 
இதற்கு போட்டியாக பிடிவாதமும் மூர்க்கத்தனமும் கொண்ட மோடி வகையறாக்கள், ஜனநாயக உணர்வுகளை பற்றியெல்லாம் கவலை கொள்ளாமல், பணமதிப்புநீக்கத்தின் ஓராண்டு நிறைவைகொண்டாடினார்கள். அரசுப்பணத்தில் – ஏழை, எளிய மக்களின் பணத்தில் விளம்பரம் செய்தார்கள். அது அரசு விளம்பரம் என்ற சிந்தனையே இல்லாமல் காவிக்கலரில் வடிவமைத்திருந்தார்கள்.
 அந்த விளம்பரங்களில் தங்களது சாதனைபோல சித்தரித்துள்ள ஒவ்வொரு அம்சமும், அவர்களை வெட்கம் கெட்டவர்களாக வெளிச்சம் போட்டு காட்டியது.
 
சந்தேகமே சாதனையாகும்
 
 
கருப்பு பணத்தை வெளிக்கொண்டு வருவதில் இந்தியாவில் மிகப்பெரிய நடவடிக்கை என்று கொட்டைஎழுத்துக்களில் அறிவித்து அதற்கு கீழே நான்குவிபரங்கள் இதற்கு உதாரணமாக கொடுத்துள்ளனர்.
முதல் விபரம இந்தியாவில் 1375 பேர் மட்டும் மொத்தரொக்கப் பணத்தில் 33 சதவிகிதத்தை வங்கியில் செலுத்தியுள்ளனர் என்று குறிப்பிட்டுள்ளனர். 
இதைத்தான் ஆரம்பம் தொட்டு நாங்களும் குறிப்பிட்டோம். பல பொருளாதார நிபுணர்களும் இதை குறிப்பிட்டார்கள். 
சராசரியாக 336 கோடி ரூபாய்.இந்த ரூபாய் 1375 பேரின் வங்கி கணக்கில் செலுத்தப்பட்டுள்ளது. இவை அத்தனையும் கருப்பு பணம் என்று குறிப்பிடவில்லை. இனிமேல் தான் இது குறித்த வழக்குகள், கால்நூற்றாண்டுகளுக்கு நடந்து முடிவுக்கு வரும். 
பிரச்சனை என்னவென்றால் 125 கோடி மக்களின் 1375பேர் தான் இத்தகைய அதிகமான தொகை செலுத்தியுள்ளனர் எனும் போது அவர்களைத் தானே குறி வைத்திருக்கவேண்டும். எதற்காக 125 கோடி மக்களையும் துயரப்படுத்தினார்கள். இதில் எங்கே வெற்றி இருக்கிறது?.
 
வரி செலுத்துதலுக்கு பொருந்தாத வகையில் 17.731லட்சம் சந்தேகத்திற்குரிய நிகழ்வுகள் கண்டறியப்பட்டுள்ளனவாம். 
இதே போன்று 23.22 லட்சம் வங்கிகணக்குகளில் 3.68 லட்சம் கோடி பணம் சந்தேகத்திற்குரியதாக கண்டுபிடிக்கப்பட்டுள்ளதாக, ஓராண்டு முடிந்த பிறகும் இவையெல்லாம் சந்தேகம் என்கிற முடிவிற்கு வந்திருக்கிறார்கள். அதைத் தவிர வேறு எதுவும் நடந்து விடவில்லை. 
ஆனால் கொஞ்சமும் கூச்ச நாச்சமின்றி இதுவெல்லாம் மாபெரும் வெற்றி என தம்பட்டம் அடிப்பதற்குஎல்லாவற்றையும் உதிர்த்து விட்ட ஒரு மனோ நிலை தேவை. அது மோடி வகையறாவிற்கு இருக்கிறது என்பதுமீண்டும் ஒருமுறை உறுதிப்படுத்தப்பட்டுள்ளது. 
இதைத்தவிர ஒரு தம்பிடி காசு கருப்பு பணம் கூட அரசின் கஜானாவிற்கு வந்து சேரவில்லை. பூஜ்ஜியங்களை நூறுகளாக கொண்டாடும் மனநிலையை என்னவென்பது.
 
உயர்மதிப்பு நோட்டுகள் ரூ. 6 லட்சம் கோடி அளவிற்குகுறைக்கப்பட்டதாகவும், அதுவும் ஒரு சாதனை என்றும் அவர்கள் பீற்றித் திரிகிறார்கள். 
இப்படிகுறைத்ததால் லாபம் எதுவும் இருப்பதாக தெரியவில்லை. ஆனால் அதேசமயம் இந்த ரூ. 6 லட்சம் கோடிஅளவிற்கு குறைத்திருக்கிறார்களா என்று பார்த்தால் அதுவும்அப்பட்டமான புளுகு. ஜூலை 26ஆம் தேதியிட்ட லைவ்மின்ட் பத்திரிகை கீழ்க்கண்டவாறு மத்திய ரிசர்வ் வங்கியின்அதிகாரிகளிடம் பெற்றதாக சொல்லி விபரங்களை வெளியிட்டுள்ளது. 
அந்த விபரங்களின்படி 2000 ரூபாய் நோட்டுகள்ரூ.370 கோடி நோட்டுகள்அச்சடிக்கப்பட்டுள்ளது. அதாவது ஒட்டுமொத்தமாக 7.4 லட்சம் கோடி ரூபாய்மதிப்பிற்கு 2000 ரூபாய் நோட்டுக்கள் அச்சடிக்கப்பட்டுள்ளன.
இதே போன்று ரூ.1570 கோடி 500 ரூபாய்நோட்டுகள் ரூ.7.85 லட்சம் கோடி மதிப்பிற்குஅச்சடிக்கப்பட்டுள்ளது. 
இவை இரண்டையும் கூட்டினால் ரூ.15.25 லட்சம் கோடி. பழைய 1000, 500 ரூபாய் நோட்டுகள் செல்லாது என அறிவிக்கப்பட்ட போதுஅவற்றின் மொத்த தொகை 15.44 லட்சம் கோடி. அதில்15.28 லட்சம் கோடி மதிப்புள்ள பணம் திரும்ப ரிசர்வ்வங்கிக்கு வந்ததாக சொல்லப்படுகிறது. எனவே, புதிதாகஅடிக்கப்பட்ட நோட்டுக்கள் முன்பு புழக்கத்தில் இருந்த நோட்டுகளை விட வெறும் 19 ஆயிரம் கோடி ரூபாய் அளவுக்கே குறைந்துள்ளது. 
ஆனால், கொஞ்சமும் கூச்ச நாச்சமின்றி 6 லட்சம் கோடி ரூபாய் அளவிற்கு உயர்மதிப்புநோட்டுக்கள் குறைத்து அடிக்கப்பட்டதாக சொல்கிறார்கள்.
 
 
அடுத்ததாக, பயங்கரவாதம், நக்சல் தீவிரவாதம் ஆகியவற்றின் மீது இந்தப் பணமதிப்பு நீக்க நடவடிக்கை தீர்க்கமான தாக்கத்தை ஏற்படுத்தியுள்ளது. 
இந்த விளம்பரம் பெருமைப்பட்டுக் கொண்டிருக்கிறது. அதில் முக்கியமாக அவர்கள் சொல்லி இருக்கும் விஷயம்,கடந்த ஆண்டோடு ஒப்பிட்டால் காஷ்மீரில் கல் எறியும் சம்பவங்கள் 75 சதவிகிதம் குறைந்துள்ளது என்பதாகும். 
பயங்கரவாதம், தீவிரவாதம் என்பதற்கு பாஜக அரசு வரையறைசெய்துள்ளது கல்லெறி சம்பவங்களைத் தான் என்றுகேட்கும்போது எள்ளி நகையாடுவதைத் தவிர வேறென்ன சொல்ல முடியும். இவர்களால் வேறு எப்படியும்சொல்ல முடியாது. ஏனெனில், இந்த காலத்தில்தான், 2008ஆம் ஆண்டிற்குப் பிறகு மிக அதிகமான அளவில் பாதுகாப்பு படையினர் கொல்லப்பட்டிருக்கின்றனர். 
எனவே, கல்லெறிந்தது குறைந்து விட்டது, கேலி செய்வதுகுறைந்து விட்டது, எனவே, பயங்கரவாதமும், தீவிரவாதமும் குறைந்து விட்டது என்று இவர்கள் தம்பட்டம் அடித்துத் திரிகிறார்கள்.
இதேபோன்று கள்ளப்பணம் – அதாவது போலிநோட்டுக்கள் 7.62 லட்சம் நோட்டுக்கள் கண்டுபிடிக்கப்பட்டதாகவும், அது மிகப்பெரிய சாதனை என்றும் சொல்லியிருக்கிறார்கள். பிரச்சனை என்னவென்றால், கள்ள நோட்டுக்கள் கடந்த காலத்தில் இதை விட அதிகமாக கண்டுபிடிக்கப்பட்டுள்ளது. 
அதாவது, 2013ஆம் ஆண்டில் 8 லட்சத்து 46 ஆயிரம் நோட்டுக்களும், 2014ஆம் ஆண்டு8 லட்சத்து ஆயிரம் நோட்டுகளும், 2015ஆம் ஆண்டு 8லட்சத்து 86 ஆயிரம் நோட்களும், 2016ஆம் அண்டு செப்டம்பர் மாதம் வரையிலும் 5 லட்சத்து 74 ஆயிரம் நோட்டுகளும் கைப்பற்றப்பட்டதாக 2016ஆம் ஆண்டு நவம்பர் 18ம் தேதியன்று மக்களவையில் மத்திய நிதியமைச்சர் அருண்ஜெட்லி ரேக்கா வர்மா மற்றும் பங்கஜ் சவுதாரி என்கிற 2 நாடாளுமன்ற உறுப்பினர்களுக்கு அளித்த பதிலில் குறிப்பிட்டுள்ளார். எனவே, இந்த 7.62 லட்சம் நோட்டுகள் ஏதோ பண மதிப்பிழப்பு நடவடிக்கை காரணமாக கண்டுபிடிக்கப்பட்டதாக சொல்வது மிக மலினமான- உண்மைக்கு மாறான, சுயதம்பட்டம், ஏமாற்று வேலை என்பதைத் தவிர வேறொன்றுமில்லை.
 
5 நிறுவனங்களை ஒழுங்குபடுத்துவதற்கு கூடுதல் முக்கியத்துவம் கொடுத்ததன் காரணமாக ஏழைகளுக்கு சிறந்த வேலைவாய்ப்புகள் கிடைத்து விட்டதாக அந்த விளம்பரம் தன் முதுகில் தானே தட்டிக் கொடுக்கிறது. ஆனால் அதற்கு கீழே உள்ள எந்த ஒரு அம்சத்திலும் சிறந்த வேலைவாய்ப்பு கொடுக்கப்பட்டதாக எதுவும் சொல்லப்படவில்லை. 
மாறாக, தொழிலாளர் ஈட்டுறுதிநிதியில் நிறுவனத்தில் புதிதாக 1.01 கோடி ஊழியர்கள்இணைந்திருப்பதாக சொல்லப்பட்டுள்ளது. 
முதலாவதாக, இந்த 1 கோடி உயர்வு என்பது புதிய விஷயமல்ல.இதற்கு முன்பு 2010-11ம் ஆண்டில் 6 கோடியே 15 லட்சமாக இருந்த தொழிலாளர் ஈட்டுறுதி அமைப்பில் 2011-12ஆம் ஆண்டில் 8.554 கோடியாக உயர்ந்திருந்தது. அதாவது ஒரே ஆண்டில் 2 கோடியே 40 லட்சம் பேர் கூடுதலாகஇணைக்கப்பட்டிருந்தனர். 
அப்படி எனில் புதிதாக 1 கோடி, அதற்கு காரணம் பணமதிப்பிழப்பு நடவடிக்கைதான் என்று கூறுவது எவ்வளவு மோசடித்தனமானது என்பதை யாரும் உணர்ந்து கொள்ள முடியும். 
இதை விட கூடுதலான மோசடி என்னவெனில் இந்தக்காலத்தில் புதிதாக இந்த திட்டத்தில் சேர்ந்தவர்களுக்கு 1-4-2013 முதல் 31-12-2016 வரை நிர்வாகத்தின் பங்குத்தொகையை கட்டவேண்டியதில்லை என்று பெருமுதலாளிகளுக்கு அளிக்கப்பட்ட மிகப்பெரும் சலுகையை மறைத்து விட்டு ஏதோஇப்பொழுதுதான் புதிதாக இவர்கள் சாதித்து விட்டதாக விளம்பரம் செய்திருக்கிறார்கள். ஒரு துரோகத்தை சாதனையாக சொல்லும் மனநிலை அவமானகரமானது.
 
இன்னொரு பக்கம் இந்த பணமதிப்புநீக்க நடவடிக்கையின் காரணமாக வரி கட்டுவோர் எண்ணிக்கை2015-16ல் 66.53 லட்சமாக இருந்தது 2016-2017ல் 84.2லட்சமாக உயர்ந்துள்ளதாகவும், இது சாதனை எனவும்26.6 சதவிகித உயர்வு என்று இந்தியர்களை பெருமைப்பட சொல்கிறது அந்த விளம்பரம். 
ஆனால், 2013-14ம் ஆண்டில் வரி செலுத்துவோர் எண்ணிக்கை அதற்கு முந்தைய ஆண்டை விட 51 சதவிகிதம் உயர்ந்துள்ளது. 2014-15ல் இது 12.2 சதவிகிதம். 2015-16ல் 29.9 சதவிகிதம். 2016-17ல் 24.3 சதவிகிதம். எனவே இநத் அரசின்பெருமிதம் எத்தனை கீழ்த்தரமானது என்பதை எவரும் உணர்ந்து கொள்ள முடியும். 
இதில் வேடிக்கை என்னவென்றால் இப்போது இவர்கள் சொல்கிற புதிதாகசேர்ந்தவர்களில் 69.4 சதவிகிதம் பேர் 5 லட்சத்துக்கும் குறைவான வருமானமுடையவர்கள். 
அதாவது இவர்களின் சராசரி ஆண்டு வருமானம் ரூபாய் 2.7 லட்சம். இதன்பொருள் என்னவெனில் இவர்கள் யாரும் வருமானவரி கட்டப்போவதில்லை. இன்னும் சொல்லப்போனால், இதன்மூலமாக அரசின் வருமானமும் கூடப்போவதில்லை.
இதை போன்று டிஜிட்டல் பரிவர்த்தனை சம்பந்தமாகஅவர்கள் விளம்பரத்தில் கூறியுள்ள விஷயங்களும் உண்மையல்ல என்பதை சமீபத்திய பல்வேறு புள்ளிவிவரங்கள் நிரூபித்துள்ளன. 
உதாரணமாக,நவம்பர் 2016ல்20.55 கோடிப் பேர் 35,240 கோடிரூபாய்அளவிற்குடிஜிட்டல் பரிவர்த்தனையில் ஈடுபட்டுள்ளனர். செப்டம்பர் 2017ல் 20.92 கோடிப்பேர் 45,193 கோடிரூபாய் அளவிற்குடிஜிட்டல் பரிவர்த்தனை செய்துள்ளனர்.
இது இவர்கள் சொல்வதுபோல ஒரு மிகப்பெரிய பாய்ச்சல் அல்ல. 
இதை எல்லாம் கவனத்தில் கொண்டால் இது சங் பரிவார் அமைப்புகளை போலவே அவர்கள் தலைமை தாங்கும் அரசிடமிருந்து மற்றொரு புளுகுமூட்டை என்பதைத்தவிர வேறொன்றுமில்லை.மக்களை ஏமாற்ற மக்கள் கொடுத்த வரிப்பணத்தையே பயன்படுத்தியிருக்கிறது காவிகள் அரசாங்கம். 
அரசு நிறுவனங்களை சீர்குலைத்துக் கொண்டிருக்கும் இவர்கள் அரசு விளம்பரம் என்றால் அது உண்மை என்று நம்புவதும் தவறு என்று நம்பகத் தன்மையையும் சிதைத்திருக்கிறார்கள்.
நன்றி: சுரன். http://suransukumaran.blogspot.in/2017/11/blog-post_9.html
Advertisements

உயிருடன் கொளுத்த சொன்ன மோடி- பாலா கார்ட்டூன்…@

burn-me-alive-Modi-cartoon-bala-cartoons-2-9-17-t.jpg

இதோ இது குறித்து பாலா அவர்களின் கார்ட்டூன் மற்றும் பதிவு…….

பணமதிப்பிழப்பு என்று சொல்லி ஒரே நாளில் நாட்டு மக்கள் அனைவரையும் தெரு தெருவாக நாயைப்போல் அலையவிட்ட மோடியின் துக்ளக் ஆட்சி உத்தரவை அவ்வளவு சீக்கிரம் நம்மாள் மறந்துவிட முடியாது.

மோடியின் பணமதிப்பிழப்பு உத்தரவால் ஏதுவும் மாறாது.. கருப்பு பணமும் மீட்கப்படாது.. ஒவ்வொருவரின் வங்கி கணக்கிலும் 15 லட்சமும் வராது என்று பொருளாதார நிபுணர்கள் விமர்சித்தபோது,

“எனக்கு ஐம்பது நாட்கள் கொடுங்கள்.. நான் செய்தது தவறு என்றால் என்னை உயிருடன் கொளுத்துங்கள்..” உணர்ச்சிகரமாக பேசி பிரச்ச்சினையை திசைத்திருப்பினார்.

 

ஆனால் இன்று நிபுணர்கள் சொன்ன கருத்தையே ரிசர்வ் வங்கி சொல்லியிருக்கிறது.

பண மதிப்பிழப்பால் எந்த பலனும் இல்லை..

இப்போ சொல்லுங்கள் மோடி அவர்களே.. தவறு செய்தால் உயிருடன் கொளுத்த சொன்னீர்களே.. அந்த உருக்கமான வசனம் ஞாபகம் இருக்கா…?!

-கார்ட்டூனிஸ்ட் பாலா
http://www.linesmedia.in
2-9-17

‘நோ கேஷ்’ – டிமானிட்ரசேஷனின்தேசியபாட்டு- STR – தட்றோம் தூக்றோம் குழுவினர்…!

நாட்ட மாத்தனுமுனு நீங்க நெனச்சா

கோட்டு போட்ட குண்டர்களின்

சங்க புடிங்கடா…!

நோ கேஷ் நோ கேஷ்

கேள்வி கேட்காம கொண்டாடலாம்…

கண்ணை துறக்காம

படம் பார்க்கலாம்…

நோ கேஷ்

கார்டை சுவப் பன்னி 

நான் வாழலாம்….

நடுத்தரத்தை நல்லா

வெஞ்ச்சு செஞ்சாச்சு..

ஏழை வீட்டில் இருப்பதெல்லாம்

சிவப்பு பணமடா..

குருவி போல சேர்ந்த காசில்

கல்லம் இல்லடா…

 

நாட்ட மாத்தனுமுனு நீங்க நெனச்சா

கோட்டு போட்ட குண்டர்களின்

சங்க புடிங்கடா…!

நோ கேஷ் நோ கேஷ்

கேள்வி கேட்காம கொண்டாடலாம்…

நோ கேஷ்

முடிஞ்சதுனு நினைச்சாக்கா GST வந்தாச்சு

இது போன்ற பாடல் வரிகளுடன் தட்றோம் தூக்றோம் – STR யின் இந்த பாடல் டிமானிட்ரேஷனின் அந்தம் சாங்க் என சிறப்பாக தயாரிக்கப்பட்டு உள்ளது.

 

 

 

பணமதிப்பிழப்பு: ஹிந்திக்காரன் முதல் தமிழன் வரை கழுவி ஊத்துகிறான்…!

0.1% பணத்தை பிடிப்பதற்கு மொத்த இந்தியாவையும்  ஏடிஎம் வாசலில் நிற்க வைத்து 15 லட்சம் பேருக்கு வேலையை பறித்து, சிறுதொழில்களை அழித்துவிட்டு, 150க்கும் மேற்பட்டவர்களை கொலை செய்து, பணக்காரன் சொத்து இதே வருஷத்தில் 16% அதிகமாக்கிவிட்டு, வெட்கம் இல்லாமல் இந்நடவடிக்கையினை ஆதரித்து இன்னும் பேசி வருகின்றனர் பாஜகவினர்.  அதுல ஒரு கேலிக்கூத்து இதனால் விபச்சாரம் குறைந்து உள்ளது என்பது போன்ற பேச்சுக்கள்…

modi demanitrasastion (1)

ஆனால் வலதுசாரி பொருளாதார வல்லூனர் நாகப்பன் முதல் ஆர்பிஐ வரை இன்று டிமானிட்ட்ரசேஷனை கழுவி ஊத்துகின்றனர். அது மட்டுமல்ல வடக்க ஹிந்திக்காரர்கள் முதல் இங்கு வாழும் தமிழர்கள் வரை மோடியின் இந்நடவடிக்கை குறித்து கூறுபவை இதோ:

இரட்டிப்பாக்கப்பட்ட விலை உயர்வால் கசந்தது சர்க்கரை…!

இக்கட்டுரை நாம எழுதலை…  மோடியின் அரசை ஜெயா அரசை ஆதரிக்கும் தினமணியில் வந்த கட்டுரை…

இரட்டிப்பாக்கப்பட்ட விலை உயர்வால் கசந்தது சர்க்கரை

By DIN  |   Published on : 02nd November 2017 05:30 PM  |   அ+அ அ-   |  

 

ration_sugar

நியாயவிலைக் கடைகளில் விற்பனை செய்யப்பட்டு வரும் சர்க்கரையின் விலை கடுமையாக உயர்ந்திருப்பது பொதுமக்கள் மத்தியில் கடும் அதிருப்தியை ஏற்படுத்தியுள்ளது.

தமிழ்நாட்டில் நியாயவிலைக் கடைகள் மூலம் வழங்கப்படும் சர்க்கரை விலை இதுவரை கிலோ 13.50 ரூபாய்க்கு விற்பனை செய்யப்பட்டு வந்தது. இது நவம்பர் 1ம் தேதி முதல் ரூ.25 ஆக உயர்த்தப்படுவதாக தமிழக அரசு அறிவித்தது. 

வழக்கம் போல சர்க்கரை வாங்க நியாய விலைக் கடைக்குச் சென்ற ஏழை, எளிய மக்களுக்கு சர்க்கரை விலை இரட்டிப்பாக்கப்பட்டிருப்பது கடும் அதிர்ச்சியை ஏற்படுத்தியுள்ளது.

தேசிய உணவுப் பாதுகாப்புச் சட்டத்தின்படி நியாயவிலைக் கடைகளில் வழங்கப்படும் சர்க்கரைக்கான மானியத்தை மத்திய அரசு ரத்து செய்து விட்டதாகவும், அதனால் வேறு வழியின்றி தமிழகத்திலும் சர்க்கரை விலை உயர்த்தப்படுவதாகவும் தமிழக அரசின் சார்பில் தெரிவிக்கப்பட்டுள்ளது. 

மத்திய அரசு மானியத்தை நிறுத்தியதால் தான் சர்க்கரை விலையை உயர்த்த வேண்டிய நிலை ஏற்பட்டது என்று தமிழக கூட்டுறவுத் துறை அமைச்சர் செல்லூர் கே.ராஜூ கூறினார்.

இது குறித்து அவர் பேசுகையில், பொதுவிநியோகத் திட்டத்தில் குடும்ப அட்டைதாரர்களுக்கு விலையில்லா அரிசி வழங்கப்படுகிறது. வெளிச் சந்தையில் ரூ.80 முதல் ரூ.120 வரை விற்பனை செய்யப்படும் துவரம் பருப்பு ரேஷன் கடைகளில் ரூ.30-க்கும், ரூ.80-க்கு வெளிச் சந்தையில் விற்பனை செய்யப்படும் பாமாயில் ரூ.25-க்கும் குடும்ப அட்டைதாரர்களுக்கு வழங்கப்படுகிறது.

சர்க்கரையைப் பொருத்தவரை குடும்ப அட்டைகளுக்கு தலா 2 கிலோ மட்டுமே வழங்கப்பட்டு வருகிறது. அதுவும் மத்திய அரசு மானியத்தை நிறுத்திவிட்டதால் விலை உயர்த்தப்படுகிறது. கிலோ ரூ.25 என்கிற நிலையில் இந்த விலை உயர்வு பொதுமக்களுக்கு பெரும் சுமையை ஏற்படுத்ததாது என்றார்.

தமிழகத்தில் அனைவருக்குமான பொதுவினியோகத் திட்டம் செயல்படுத்தப்பட்டு வரும் நிலையில், தேசிய உணவுப் பாதுகாப்புச் சட்டத்தை தமிழக அரசு ஏற்றுக் கொண்டதால், தமிழகத்தில் பிறந்து ஏழைகளாக வாழும் மக்களுக்குக் கிடைத்திருக்கும் கூடுதல் தண்டனை இது.

கடந்த ஆண்டு இதே காலக்கட்டத்தில் அப்போதைய முதல்வர் ஜெயலலிதா உடல்நலக் குறைவால் மருத்துவமனையில் அனுமதிக்கப்பட்டிருந்த நேரத்தில், உணவுப் பாதுகாப்புத் திட்டத்தில் தமிழக அரசு தன்னை இணைத்துக் கொண்டது.

அப்போது பல்வேறு அரசியல் கட்சிகளும் அதனை கடுமையாக விமரிசித்தன. கண்டித்தன. எதிர்த்தன. ஆனால், தேசிய உணவுப் பாதுகாப்புத் திட்டத்தை தமிழ்நாட்டில் செயல்படுத்துவதால் மக்களுக்கு எந்த பாதிப்பும் ஏற்படாமல் அரசு பார்த்துக்கொள்ளும் என்று தமிழக அரசின் சார்பில் உத்தரவாதம் வழங்கப்பட்டது. 

ஆனால், இப்போது அந்த உத்தரவாதத்தை காற்றில் பறக்கவிட்டுவிட்டு, சர்க்கரை விலையை தமிழக அரசு உயர்த்தியிருப்பதை எந்த வகையில் நியாயப்படுத்தப் போகிறது என்று தெரியவில்லை.

சர்க்கரைக்கு வழங்கப்பட்டு வந்த மானியத்தை மத்திய அரசு கடந்த 01.06.2017 முதல் ரத்து செய்தது. ஆனால், தமிழக அரசோ, சர்க்கரை மானியத்தை மத்திய அரசு ரத்து செய்தாலும் அதை தாங்களே ஏற்றுக் கொள்ளப் போவதாகவும், இதனால் மக்களுக்கு எந்த பாதிப்பும் ஏற்படப்போவதில்லை என்றும் உறுதி அளித்தது. ஆனால், அடுத்த 5 மாதங்களில் வாக்குறுதியை மறந்துவிட்டு (மக்களும் மறந்திருப்பார்கள் என்று கருதி) சர்க்கரை விலையை தமிழக அரசு உயர்த்தியிருப்பது மக்களை முட்டாளாக்கும் விஷயமே.

அந்தியோதயா அன்னயோஜனா திட்டத்தின் கீழ் நியாயவிலைப் பொருட்களை வழங்குபவர்களுக்கு  தொடர்ந்து ரூ.13.50 என்ற விலையில் சர்க்கரை வழங்கப்படும் என்றும், இதனால் ஏழைகள் பாதிக்கப்பட மாட்டார்கள் என்றும் தமிழக அரசின் சார்பில் கூறப்படுவது மக்களை ஏமாற்றும் செயலே. தமிழகத்தில் மொத்தமுள்ள 2.03 கோடி குடும்ப அட்டைகளில் வெறும் 9.15%, அதாவது 18,64,600 அட்டைகள் மட்டும் தான் அந்தியோதயா அன்னயோஜனா திட்டத்தின் கீழ் பெறப்பட்டவை.

இலவச அரிசி பெறும் ஏழைக் குடும்பங்களின் எண்ணிக்கை 1.91 கோடி, அதாவது 94.05% ஆகும்.  இவ்வளவு பேரை பாதிக்கும் முடிவை அறிவித்து விட்டு அதனால் ஏழைகள் பாதிக்கப்பட மாட்டார்கள் என்றால் எப்படி?

மத்திய, மாநில அரசுகளின் இத்தகைய மக்கள் விரோத செயல்பாடுகளுக்கு எதிராக எவ்வளவுதான் மக்கள் போராட முடியும்.

மத்திய அரசும், மாநில அரசும் நலத் திட்டங்களை அறிமுகப்படுத்துவதற்கு பதில், ஏழை, எளிய மக்களுக்கு அளிக்கப்பட்டு வரும் மிக சொச்ச நலன்களையும் பிடுங்கிக் கொள்வதிலேயே அதிக ஆர்வம் காட்டுகிறார்கள்.

ஓரிடத்தில் சாலையில் ஏற்பட்ட பள்ளத்தில் ரேஷன் கடைக்கு அரிசி கொண்டு செல்லும் லாரி சிக்காமல் தவிர்க்க, லாரியில் இருந்து ஒரு அரிசி மூட்டையை எடுத்து அந்த பள்ளத்தில் கிடத்தி, லாரி கடந்த பிறகு அதே மூட்டையை அள்ளி லாரியில் போட்டுக் கொண்டு சென்ற ஊழியர்களின் விடியோ வைரலாகப் பரவியது.

ஒரு கல்லுக்கும் மண்ணுக்கும் கொடுக்கப்படும் மதிப்புதான் ஏழைகள் சாப்பிடும் அரிசிக்கும் இங்கே கொடுக்கப்படுகிறது. ஆனால், அந்த அரிசிக்கே மக்களை அலைகழித்து, ஆதார் இல்லை என்றால் அரிசி இல்லை என்று எடுத்த எடுப்பிலேயே ஏழை மக்களின் மடியில் கை வைக்கும் முறையை அரசுகள் நிச்சயம் மாற்றிக் கொள்ள வேண்டும்.

சர்க்கரை விலையை படிப்படியாகக் கூட உயர்த்தியிருக்கலாம். ஆனால் ஒரேயடியாக விலையை இரட்டிப்பாக உயர்த்தியிருப்பது தினக்கூலிகளுக்கு பெரிய சுமைதான்.

தமிழக முதல்வர் ஜெயலலிதாவின் மறைவுக்குப் பிறகு, ஆதரவற்ற முதியவர்களுக்கான மாதாந்திரத் தொகை அவர்களது வீடுகளுக்கேக் கொண்டு சென்று வழங்கும் முறை முற்றிலும் நிறுத்தப்பட்டது. ஒவ்வொரு மாதமும் ரூ.1000ஐ வாங்க அலைகழிக்கப்படும் முதியவர்களின் நிலைமை பரிதாபமாகியுள்ளது.

இதற்கிடையே அவர்களது வாழ்வாதாரமாக விளங்கிய நியாய விலைக் கடைகளில் வழங்கப்பட்டு வந்த பருப்புகளுக்கும் பற்றாக்குறை வந்து அவையும் காற்றில் மறைந்து போயின. இப்போது சர்க்கரை விலை இரட்டிப்பாக்கப்பட்டுள்ளது அவர்களை கவலையில் ஆழ்த்தியுள்ளது.

நியாய விலைக் கடைகள் மூடப்படும் என்ற வதந்திகளை மெய்ப்பிக்கத்தான் தமிழக அரசு முயன்று வருகிறதோ என்ற சந்தேகமும் எழுந்துள்ளது.

மற்றொருபுறம் குடும்பத்தில் எவராவது வருமான வரி செலுத்தினாலோ, வீட்டில் குளிரூட்டி அல்லது மகிழுந்து வைத்திருந்தாலோ அவர்கள் முன்னுரிமையற்ற பிரிவினராக வகைப்படுத்தப்படுவார்கள். இதையெல்லாம் விடக் கொடுமை என்னவென்றால் குடும்ப வருமானம் ஆண்டுக்கு ரூ.1 லட்சத்திற்கும் அதிகமாக இருந்தால் அக்குடும்பமும் முன்னுரிமையற்றதாக அறிவிக்கப்படும். அரசு ஊழியர்கள், ஓய்வூதியம் பெறுபவர்கள், தொழில்வரி கட்டுபவர்கள், 5 ஏக்கருக்கும் கூடுதலாக நிலம் வைத்திருப்பவர்கள் ஆகியோரும் அதிக வருவாய் ஈட்டும் பிரிவினராக கருதப்பட்டு அவர்களும் முன்னுரிமையற்ற பிரிவினராகக் கருதப்படுவர் என்று கடந்த ஜூலை மாதம் தமிழக அரசு அறிவித்தது. 

எனினும், அவர்களுக்கு தொடர்ந்து நியாயவிலையில் பொருட்கள் வழங்கப்படும் என உறுதியளித்துள்ளது தமிழக அரசு. சர்க்கரை மானியம் போல இந்த உறுதி மொழி என்று காற்றில் பறக்கப் போகிறதோ என்ற கவலையில் நடுத்தர வர்க்கத்தினர் ஆழ்ந்துள்ளனர்.

விலையேற்றத்தால் சர்க்கரையும் கசந்து போனதே!

*****************

இரண்டு மடங்கானது ரேஷன் சர்க்கரை விலை: ஏழை மக்கள் கண்ணீர்

SVசேகர் ரெட்டி: ‘Chip’ வேணாம் ரசீது கூடவா இல்லை…??

மோடியின் பண மதிப்பிழப்பு நடவடிக்கை முடிந்து ஓராண்டுடாகிறது…. ஆனால்16000 கோடி பணம் தான் வரவில்லை. ( இன்னும் பூடான், நேபாளம் வங்கிகளில் பணம் வரவேண்டியிருக்கு)  இதற்கு 21000 கோடி செலவு… 150 பேர் பலி… மொத்த உள்நாட்டு பொருளாதாரமும்… சிறு தொழிலும் அதல பாதாளத்தில் போய் விட்டது.

இந்நிலையில் எஸ்வி சேகரின் பழைய விடியோயை பார்க்க நேர்ந்தது… இதுல இந்த நடவடிக்கைக்கு என்னமா பில்டப் கொடுத்து பேசுறார். சிப் இருக்கு சொன்னவர் இவர்தான் அப்பதான் தெரிந்தது.

இது கருப்பு பண ஒழிப்புக்கு மோடி செய்யவில்லை என குற்றம் சாட்டுபவர்களுக்கு பதிலடி எனவும்… மக்கள் பொறுமை காக்கனும்… மருந்து கடைக்காரர் மனிதாபிமானம் காட்டனும் என நிறைய மானே தேனே வசனம்.

இடையில் விட்டார் ஒரு பெரிய குண்டு…. அதுதான் 2000 நோட்டில் சிப் இருக்கு… எங்கையாவது பன்டலா வைச்சு இருந்தான் அவ்வளவு தான் சேட்டலைட் காட்டி கொடுத்துவிடும் என…

இன்றைக்கு சேகர் ரெட்டி வீட்டில் பிடிபட்ட பணத்தில் 34 கோடி புதிய 2000 நோட்டு எப்படி  எந்த வங்கி மூலம் போனது என தகவல் இல்லை… அவசரத்தில் அனுப்புனோம் என RBI அறிக்கையை சிபிஐ வாசிக்கிறது. தமிழ்நாட்டு அயோக்கியனை காப்பாற்ற டெல்லிகாரனின் தேவை என்ன? வேறென்ன…!

இப்படி கிணறு வெட்டின ரசீது கூட இல்லாமல் நமக்கு ஆதாரை கொடு  ஆதாரை கொடு என நச்சரிக்கும் அரசு எந்த ஆதாரமும் இல்லாமல் கோடிக்கணக்கான பணத்தை மாபியாக்களிடம் தாரை வார்த்து உள்ளது.

இதற்கு அப்புறம் இவர்களை அழைத்து விவாதிக்கின்றனர் நமது ஊடகங்கள்..

காரணம் இது அவர்களுக்கான ஆட்சி அவர்களது ஊடகங்கள் அவர்களுக்கான சித்து விளையாட்டு…

விட்டில் பூச்சிகளாக மக்கள் இருக்கும் வரை இது தொடரும்…. 

*********

இவர்களின் ஊழல் எதிர்ப்பு நாடகத்துக்கு ஒரு சிறந்த உதாரணம் கேதன் தேசாய்…. காங்கிரஸ் காலத்தில் கைது செய்யப்பட்ட இவரிடம் 1000 கிலோ தங்கம் 1000 கோடி பணம் கைப்பற்றப்பட்டது இன்று இவரை மோடி என்ன செய்தார் தெரியும்… இப்படி ஒருத்தரை தான் தேடிக்கொண்டு இருந்தேன்(கேதனும் குஜராத்காரர்தான்) என வாரி அணைத்து  உலகத்திற்கே  மருத்துவ தலைவராக போட்டு விட்டார்.

2010

கேதன் தேசாயிடம் ரூ 1800 கோடி ரொக்கம், 1500 கிலோ தங்கம்! – ஊழலில் புது ரெக்கார்ட்!

Posted By: Sutha
Ketan Desai

டெல்லி: ரூ 2 கோடி லஞ்சம் வாங்கும்போது பிடிபட்ட இந்திய மருத்துவ கவுன்சில் தலைவரிடம் ரூ.1,800 கோடி ரொக்க பணம், 1500 கிலோ தங்க நகைகளையும் சி.பி.ஐ. அதிகாரிகள் பறிமுதல் செய்தனர்.

2016

ஊழல் புகாரில் சிக்கிய கேதன் தேசாய் உலக மருத்துவ சங்க தலைவர் ஆனார் : தைவான் ‘பறந்த’ தமிழக டாக்டர்கள் -தினமலர்

 Oct 24, 2016 –
ஊழல் புகாரில் சிக்கிய கேதன் தேசாய் உலக மருத்துவ சங்க தலைவர் ஆனார் : தைவான் 'பறந்த' தமிழக டாக்டர்கள்

மதுரை: இந்திய மருத்துவ கவுன்சில் தலைவராக இருந்த போது ஊழல் செய்ததாக கைதான கேதன் தேசாய், உலக மருத்துவ சங்கத்தின் தலைவராக பதவி யேற்றுள்ளார்.குஜராத் மாநிலத்தை சேர்ந்த இவர், மருத்துவ கல்லுாரிகளுக்கு அனுமதி அளிப்பதில் முறைகேடு செய்ததாக 2010ல் கைது செய்யப்பட்டார். சில நாட்களுக்கு பின் ஜாமினில் வெளிவந்தார்.ஏற்கனவே, கேதன் தேசாய் இந்திய மருத்துவ கவுன்சில் தலைவர் ஆவதற்கு தடை விதிக்கப்பட்டிருந்தது. பின், கவுன்சிலின் நிர்வாக குழுவும் மாற்றி அமைக்கப்பட்டு மத்திய அரசின் நேரடி கண்காணிப்பில் கொண்டுவரப்பட்டது. மேலும், உலக மருத்துவ சங்கத்தின் எதிர்கால தலைவர் பட்டியலில் இருந்தும், அவரது பெயர் நீக்கப்பட்டது.இந்நிலையில், உலக மருத்துவ சங்கம், ‘சங்கத்தின் தலைவர் என்ற முறையில், தைவானில் நடந்த ஆண்டு விழாவில் கேதன் தேசாய் அறிமுக உரையாற்றினார்’ என கூறியுள்ளது. இதன் மூலம், ஊழல் புகாரில் சிக்கிய ஒருவருக்கு, உலக மருத்துவ சங்கம் தலைவர் பதவியை அளிப்பதா? என விமர்சனம் எழுந்துள்ளது.மேலும், இந்த விழாவில் பங்கேற்பதற்காக இந்திய மருத்துவ சங்க தமிழக நிர்வாகிகள், தமிழ்நாடு மருத்துவ கவுன்சில் நிர்வாகிகள் பலர் தைவான் சென்றுள்ளது தெரிந்துள்ளது.
முக்கியத்துவம் ஏன் : கேதன் தேசாய் இந்திய மருத்துவ சங்கம், இந்திய மருத்துவ கவுன்சில் உள்ளிட்ட அமைப்புகளின் தலைவர் பதவியை வகித்தவர். தற்போது, கவுன்சில் மற்றும் சங்கத்தின் தலைவர் பொறுப்பை வகிக்க முடியாது என்றாலும், அவர் கூறும் ஆட்களே முக்கிய பொறுப்புகளை பெற முடியும் என்ற நிலை உள்ளது.இதனால், தமிழக மருத்துவ கவுன்சில், மருத்துவ சங்கங்களின் நிர்வாகிகள் சிலர், லட்சங்கள் செலவானாலும் பரவாயில்லை என தைவான் பறந்துள்ளனர்; பதவியேற்பு விழாவில் கேதன் தேசாயுடன் எடுத்துக் கொண்ட படங்களை, ‘வாட்ஸ் ஆப்’ குழுவில் பகிர்ந்து வருகின்றனர்.

 http://keetru.com/index.php/2009-10-07-10-39-24/10-sp-357264546/8743-2010-05-20-12-35-56

லலித் மோடி, மருத்துவர் கேதன் தேசாய், உலகத்தர கிரிக்கெட் வீரர்கள் எல்லாம் கனமான பெயர்களாக மாறிக்கொண்டு வருகிறது. படிக்கிற நமக்கு லேசான மயக்கமும் அயற்சியும் தொற்றிக்கொள்கிற அளவு தொகை லஞ்சமாகப்பரிமாறப்பட்டிருக்கிறது. ஒன்னரை டன் தங்கம் பறிமுதல் செய்யப்பட்டிருக்கிறது என்று படித்தால் நம்ப முடியவில்லை. ஒரே ஒரு கிராம் தங்கம் நேற்றைய நிலவரப்படி கிடத்தட்ட1600 ரூபாய் இருக்கலாம். நகை மட்டும் அவ்வளவு. ரொக்கப்பணம் திருப்பதி உண்டியலில் பணம் எண்ணுகிற மாதிரி வங்கிப் பிரதிநிதிகள், மாவட்ட வருவாய் அலுவலர்கள், நீதிபதிகள் முன்னிலையில் லஞ்சப்பணம் கணக்குப் பார்க்கப்பட்டிருக்கிறது.

இவர் ஏற்கனவே 1992 ஆம் ஆண்டு இதே குற்றச்சாட்டுக்காக கைது செய்யப்பட்டு பதவி இறக்கப்பட்டிருக்கிறார். ஆனால் இந்தியாவின் துரதிஷ்டம் மீண்டும் அதே பதவிக்கு வந்து இந்த முறை சலிக்கச் சலிக்க லஞ்சம் வாங்கியிருக்கிறார்.

எவ்வளவு புனிதமான சட்டங்கள் கொண்டுவந்தாலும் அமல்படுத்துகிற அதிகார வர்க்கம் மொள்ளமாரியாக இருந் தால் சட்டம் கேலிக்கூத்தானதாகிவிடும் என்று பாதுகாப்புத் துறை உயர்மட்ட ஆலோசகர் சொன்ன வார்த்தை மிகுந்த அர்த்தமுள்ளதாகிறது. இவ்வளவு தொகையும் எதற்காகப் பெறப் பட்டிருக்கிறது என்பதில்தான் மிகப்பெரும் சூட்சுமமே இருக்கிறது. மருத்துவத்தை, அந்த உயிர்காக்கும் துறையை மெல்ல மெல்ல தனியாருக்கு சுருட்டிக் கொடுத்ததற்கு கிடைத்த சன்மானம் தான் கேதன் தேசாய் வீட்டில் சுருண்டுகிடக்கும் இந்தியக் கஜானா.

ஒரு மருத்துவக்கல்லூரி சீட்டுக்கு குறைந்த பட்சம் இருபது லட்சம் கட்டணமாக வசூலிக்கிற நிர்வாகங்களை சிவப்புக் கம்பளத்தோடு அங்கீகரிக்க கிடைக்கும் கையூட்டுத்தான் இப்படி மலைபோலக் குவிந்துகிடக்கிறது. அங்கு படித்து வெளியேறுகிற மருத்துவர்களிடம் இந்த தேசம் என்ன எதிர்பார்க்க முடியும் ?. கோடிக்கணக்கில் வங்கிக்கடன் வாங்கி அண்ணாந்து பார்க்கிற மருத்துவமனை கட்டி முடிக்கிற மருத்துவர்களிடம் எப்படி சேவையை எதிர்பார்க்கமுடியும்?. தொலைத்த விலாசம் தேடி இரண்டு மூன்று முறை அந்தப்பக்கமாக பிராக்குப் பார்த்துக்கொண்டு நடந்து போனாலும்கூட இழுத்துப் பிடித்து எல்லாச் சோதனைகளையும் நடத்திவிடுகிற அளவுக்கு மருத்துவ மனைகள் தரமிழந்துபோய்விட்டது. இப்போது கேஏஎஸ் சேகர் லாட்டரி விற்பனை செய்கிறமாதிரி ‘’அண்ணே உள்ள வாங் கண்ணே நம்ம …ஆஸ்பத்திரி தாண்ணே’’ என்று கையைப் பிடித்து இழுக்காத குறையாக விளம்பரங்கள் போட்டிபோடுகின்றன.

சமீபத்தில் ஒரு சுகாதார அமைச்சர் இலாகா மாற்றப்பட்டார். அங்கு விளையாடும் லஞ்சப்பணம்தான் என்பது செய்திகளில் வராத சேதி. அரசு மருத்துவமனைகளில் உபயோகப்படுத்தும் காலி குளுகோஸ் பாட்டில்கள் கைமாறுவதில் சதவீதம் வைத்தாலே போதும், தினம் கோடி கோடியாய் வருமானம் கொழிக்கு மாம். காலி பாட்டில்களுக்கே இப்படியென்றால் இன்னும்,  மருந்து,  சாப்பாடு, கட்டடம்,  மருத்துவக்கல்லூரி, மருத்துவர் நியமனம், மாறுதல்கள் என்று நீண்டுகொண்டு போகும் பட்டியல்களைக் கணக்குப் போட்டால் கிறுகிறுத்துக் கீழே விழவேண்டியது தான். ஆனால் எந்த பொது மருத்துவமனைக்குப் போனாலும் மருந்தில்லை, டாக்டரில்லை, நிதியில்லை என்கிற இல்லைகள் மட்டுமே பதிலாய் வரும்.

பொது மருத்துவமனைகள் எல்லாம் சாக்கடை சூழ்ந்து நாறிக்கிடக்க அங்கு பணிபுரியும் மருத்துவர்களும், உயர் அதிகாரிகளும் சுகாதாரமான பங்களாக்களுக்குள் ஓடோனில் மணத்தில் மிதக்கிறார்கள். அந்த வீடுகளில் தோண்டத் தோண்ட நாறும் மலக்கிடங்கை ஒளித்து வைத்திருப்பதுதான் இந்த அமைப்பின் மூலம் குற்றவாளிகளுக்கு கிடைக்கிற மிகப்பெரிய பலம், பொது மக்களுக்குக் கிடைக்கிற ஆகப் பள்ளமான பலகீனம். நாள்முழுக்க கால்கடுக்க காத்திருந்து மருத்துவரைப் பார்த்து ஊசி போட்டு விட்டு மாத்திரைக்காக வெளியே கடைக்குப்போகும் ஏழை வியாதியஸ்தர்களிடம் இது பற்றிப் பேச என்ன வாய்ப்பு இருக்கிறது. அவர்களுக்கு புரிகிற மொழியில் சொல்ல கிடைத்திருக்கும் ஒரே வழி ஊடகங்கள் தான். அரசின் பொதுத் தொலைக்காட்சியிலும் சரி ஆட்சியாளர்களே நடத்தும் தனியார் தொலைக்காட்சியிலும் சரி இந்த சேதிகள் வெளிவர ஸ்பான்சர் கிடைக்காது எவனாது கொள்ளிக்கட்டையை எடுத்து தன் தலையிலே வைத்துக்கொள்வானா ?.

கிரெம்ளின் மாளிகை கதிகலங்கி நின்றபோது சோவியத் ருஸ்ஸியாவின் சிகப்பு வரைபடத்தையும், அரிவாள் சுத்தி யலையும் காண்பித்து அதை கிராபிக்ஸில் சுக்குநூறாக உடைத்து விட்டு பிராணாய் ராயின் தாடிக்குள்ளிருந்துஒரு குரூரச்சிரிப்பு வெளிவரும். அதைத்தொடர்ந்து வரும் தகவல்களும் செய்திகளும், அலசல்களும், வல்லுநர் கருத்துக்களுமாக அப்பப்பா எவ்வளவு கொந்தளிப்போடு கிடந்தது அப்போதைய ஊடகங்கள்.அந்த ஊடகங்கள் என்ன செய்துகொண்டிருக்கின்றன. மீண்டும் விதர்பா மாவட்டத்து நிலங்கள் பிளந்து அதை நம்பிக்கிடந்த விவசாயிகளின் உயிரை உள்ளே இழுத்துக்கொண்டிருக்கிறது. தினம் இருபது ரூபாய் செலவு செய்து வயிறு நிரப்பமுடியாத இந்தியர்கள் அறுபது கோடிக்கு மேலாக உயர்ந்துகொண்டிருக்க சென்ற ஆண்டு 32 பேராக இருந்த இந்தியாவின் உலகக் கோடீஸ்வரர்களின் எண்ணிக்கை இந்த ஆண்டு 64 ஆக உயர்ந்திருக்கிறது. இரண்டு பேருக்கும் இந்தியர் என்கிற ஒரே பட்டமா?

GH: டாக்டர் படிப்பவனுக்கு சோதனை எலிகளாடா மக்கள் ?

தனியார் மருத்துவமனைகளில் கூடவே மருத்துவ கல்லூரியை நடத்தி அதில் படிக்கும் மாணவர்களிடம் தங்கள் நோய்க்கு மருத்துவம் பார்க்க மக்கள் வரிசையில் நிற்பதை பார்க்கலாம். இதனை கணக்கு காட்டி அரசிடம் சலூகைகளை, மானியத்தை சுருட்டி கொள்வார் அந்த கல்லூரி ஓனர்.

இதே நிலை தான் இன்று அனைத்து அரசு மருத்துவமனைகளிலும்…. ராஜீவ்காந்தி மருத்துவமனை… ராயப்பேட் மருத்துவமனை….ஸ்டான்லி … என அனைத்திலும்….

4வது வருஷம் படிப்பவன் கையில் லட்சக்கணக்கான மக்களின் உயிர் வெறும் கேஸ் என்ற பெயரில் ஒப்படைக்கப்படுகிறது. அவன் எதிர்காலத்தில் லட்சங்களில் புரள மக்கள் ரத்தம் உருஞ்சப்படுகிறது.

அப்படி படிக்கும் மாணவர்களில் கூட பெண்கள் வார்டில்  பெண்கள் இருப்பது இல்லை…. முழுக்க ஆண்கள் தான். ஈவு இரக்கம் இல்லாமல் மக்களை அவர்கள் பேசுவது,, ஏசுவது…. தூக்கி எரிவதையும் தினந்தோறும் பார்க்கிறது நமது மக்கள் சமூகம்.

கழிப்பறை இல்லை, மருந்து இல்லை, தண்ணீர்  இல்லை, ஸ்கேன் உள்ளீட்ட பல சோதனைகளுக்கும்  அதிகாரப்பூர்வமாக துட்டு, பில்….. எல்லா ஆப்ரேஷனுக்கும், சிகிச்சைக்கும் ஆதார், காப்பீடு என மொத்த மனிதமும் செத்து கிடக்கிறது….

ஈழத்திற்கு போய் வீடியோ எடுத்து பிரச்சனையினை வெளியே கொண்டு வந்தோம் என பெருமை பேசும் ‘புரட்சியாளர்’ திருமா போன்றவர்களுக்கு…. ஒரு முதல்வர் நாற்காலி போது 5 ஆண்டு ஆட்சி போதும் டென்மார்க் ஆக மாத்திடுவேன் என கொக்கரிக்கும் சீமான் போன்றவர்களுக்கு… சொல்லி கொள்ள வருவது என்னவென்றால்….

ஈழத்தை மிஞ்சிய படுகொலை நடக்கிறது இதோ அரசு மருத்துவமனையில்…..

இதற்கு முதலமைச்சரை மாற்றுவதோ….

மாறி மாறி கூட்டணி வைத்து காரில் பறப்பதோ தீர்வாகாது ….

மக்களிடம் இதனை கொண்டு செல்லாமல் நரகலில் நல்லதை தேடுகிறேன் என்பது மட்டுமல்ல…

நல்லது இருக்கிறது என சொல்வதே அயோக்கியதனமல்லவா….!

டெங்கு: நமக்கு ATM கீயூ… சேகர் ரெட்டிக்கு ‘Direct Delivery’

டெங்கு பாதிக்கப்பட்டவர்களின் வீடு, பாதிக்கபடாதவர்களின் வீடுகளுக்கு ரெய்டு விட்டு அபராதம் போடும் அரசு மறுபுறம் குப்பைகளை, கழிவுகளை எப்படி சுத்தம் செய்கிறது என நாம் அனைவருக்கும் தெரிந்தது.

இதோ அப்படி ரெய்டு வரும் அதிகாரிகளை காரிஉமிழும் பெண்:

பள்ளிகரனை சதுப்புநிலத்தில் குப்பை போடக்கூடாது என சொல்லி மிகப்பெரிய குப்பை கிடங்கை அருகில் நடத்தி வரும் அரசு தான் நமக்குசுத்தம் குறித்து வகுப்பு எடுக்கிறது.

 

சென்னை பள்ளிகரனை குப்பை கிடங்கில் ஏற்பட்ட தீ யை அணைக்க ஒரு வார கால அவகாசம் எடுத்தவர்கள் அணு உலையில் ஆபத்துகள் வந்தால் நம்மை மின்னல் வேகத்தில் காப்பாற்றுவர்கள் என்று நம்புவோம்

எப்படி டிமானிட்டரேஷன் அப்ப நமக்கு ஏடிஎம் வாசலில் நிக்கவிட்டு சேகர் ரெட்டி வீட்டுக்கு சுட சுட நோட்டு அனுப்பி இன்று அதன் விவரம் இல்லை என மோடியின் ரிசர்வ் வங்கி  ‘திருடர்களுக்கு  ஆதரவாக அறிக்கை’ விடுகிறதோ அது போல தான் நமக்கு அபராதம் போடுவதும்.

டெங்கு அரசு, டிமானிட்டரசேஷன் அரசை வைத்துக்கொண்டு முதலமைச்சராக கமல் வந்தா, சீமான் வந்தா என யோசிப்பது எப்படி சரியாகும். மக்களுக்கு அதிகாரம் இல்லாத அதிகார வர்க்கத்திடம் கையேந்தி “டாஸ்மாக் மூடு…. குப்பையை எடு… ரேஷன் கொடு” என கையேந்தும் பிச்சைகார அமைப்பை மாற்றி மக்கள் தங்களை நிர்வகிக்கும் ஒரு உன்னத அமைப்பை உருவாக்கும் பணி அல்லவா உண்மையான சமத்துவ சமூகமாக இருக்க முடியும்.

சேகர் ரெட்டி வழக்கில் சி.பி.ஐ-க்கு பின்னடைவு?

 

சேகர் ரெட்டி வழக்கில் ஆர்பிஐ அந்தர் பல்டி கறுப்புப் பண ஒழிப்பின் தோல்வியே- ஸ்டாலின் பொளேர்

Read more at: https://tamil.oneindia.com/news/tamilnadu/dmk-leader-stalin-doubts-that-rbi-helping-sekar-reddy-escape-299661.html

 

 

‘தீயில் எனது மகன்’

dc-Cover-hoastabqvvsi7pvc3l7au64og0-20171024014512.Medi.jpeg

கண்களை குளமாக்கும் இந்த நிகழ்வுக்கு அதிகாரம் இல்லாத இந்த செட்டப்பை தாங்குபிடிக்கும் கரைவேட்டிகளும் (ஓட்டு அரசியல்) அதற்கு வாக்கு என்ற பெயரில் நீங்கள் போடும் ஆசியும் தான் காரணம் என்றால் அது மிகையில்லை…..!

போலீசு, கலெக்டர், நீதிமன்றம் என அனைத்து அதிகார வர்க்கமும் மக்கள் முன் அம்மணமான பின்னரும் இந்த செட்டப்பால் பாதிக்கப்பட்ட மக்களை காட்டி நேற்று மோடி முதல் இன்று சீமான் வரை அனைவரும் மீண்டும் வாங்க என கொள்ளைப்புறமாக அதே அதிகார வர்க்கத்திடம் ஆளும் வர்க்கத்திடம் சரணடைய வைக்க இந்துமதத்தை, தமிழினத்தௌ சொல்லி வாய்சவுடால் போடுகின்றனர்.

 

ஜாதுகோடா: உங்களில் எத்தனை பேருக்கு தெரியும்…?

இது ஏதோ ஆப்பரிக்க கண்டத்தில் வாழ்பவர்கள் ப்ற்றியது அல்ல… மோடியின் ஒளிரும் இந்தியாவில் தான் வாழ்பவர்கள் தான் இவர்கள்…..

நமது ஜார்கண்ட் மாநிலத்தில் யுரேனியம் வெட்டி எடுக்கப்படும் ஜாதுகோடா பகுதிக்கு கடந்த மாதத்தில் சைக்கிள் பயணம் மேற்கொண்டவரின் நேரடி பதிவு இதோ…!